Lagun Onak futbol taldeak gaur (ostirala) jakin du zein talde izango duen aurkari Espainiako Kopako hirugarren kanporaketan: Alcorcon (Madril, Espainia). 12:00etan egin dute zozketa, Espainiako Futbol Federazioaren egoitzan, eta bertan Espainiako Bigarren A eta Bigarren B mailetako taldeak sartu dituzte.
Aitor Zulaikak entrenatutako mutilek urriaren 7an (asteazkena) jokatuko dute Alcorconen aurkako partida. Etxean ariko dira eta kanporaketa partida bakarrean erabakiko da. Lagun Onak-ek gainditzen badu, goi mailako talde baten aurka aritzeko aukera izan dezake.
Kopako bi kanporaketa irabazi ditu Lagun Onak-ek. Aurrenekoa Izarra Lizarrako taldearen kontra jokatu zuen, eta 2-1 irabazi zuen. Bigarrengoan Badajozko (Extremadura, Espainia) Cerro de Reyes mendean hartzea lortu zuten, 2-1 emaitzarekin.
Bigarren B Mailako taldea
Alcorconek Espainiako Bigarren B Mailan jokatzen du. Denboraldiko lehen partida Gimnastica Torrelavegaren kontra jokatu zuen (0-0). Hain zuzen, Gimnastica Torrelavega aurten igo da Bigarren B Mailara, eta igoera fasean Lagun Onaken aurka aritu zen; joanekoan 1-0 galdu zuten Lagun Onakekoek Torrelavegan. Itzulikoan, berriz, 4-3 irabazi zuten Azpeitikoek.
Alcorconen lehen taldeko kideak hemen
Hirugarren kanporaketako norgehiagokak
Lagun Onak-Alcorcon
Ontinyent-Leonesa
Puertollano-Sant Andreu
Marbella-Alacant
Merida-Alcoyano
Atletico Ciudad-Ejido
Salamanca-Cartagena
Cordoba-Rayo Vallecano
Recreativo-Las Palmas
Girona-Celta
Hercules-Huesca