Gaur (ostirala) 13:00etan egin dute Espainiako Kopako final-hamaseirenen zozketa eta Lagun Onak asteazkenean kanporatu zuen taldeari -Alcorconi- gordoa tokatu zaio: Real Madril. Jakina, gustura azaldu da.
Bi partidara jokatuko dute kanporaketa. Aurrena (urriaren 28an), Alcorconen zelaian (Madrilgo erkidegoko kluba da, Espainiako Bigarren B Mailakoa). Itzulikoa, azaroaren 10ean.
Herenegun 1-2 irabazi zion Lagun Onaki, Kopako hirugarren kanporaketan. "Hemendik pasatu den talderik onena da", esan du Aitor Zulaika Azpeitiko ekipoko entrenatzaileak.
Gaurko zozketan Real Madril, Bartzelona, Sevilla, Atletico de Madril, Vila-real, Deportivo edo Athletic tokatzeko aukera zeukan Alcorconek, iazko denboraldian Espainiako Liga eta Kopatik Europako txapelketetara sailkatu ziren taldeetako bat.
Euskal taldeen kanporaketak: Rayo Vallecano-Athletic eta Xerez-Osasuna.