Larrabetzun sortu zuten Literatura Eskola 2004ko urrian, eta aurten egingo dituzten ekitaldietan, besteak beste, Jose Luis Otamendiren (Azpeitia, 1959) poesia aztertuko dute.
Duela bi urte atera zuen bere azken poesia liburua: Erlojuen mekanika.
Otamendiren liburuak
- Egunsenti biluzia (Ustela, 1980). Poesia.
- Azken undinaren kaira (Ustela, 1983). Poesia-Antzerkia.
- Zainetan murrailak (Susa, 1987). Poesia.
- Poza eta gero (Susa, 1990). Poesia.
- Lur bat zure minari (Susa, 1995). Poesia.
- Bakarrik bahago neguan (Pamiela, 1998). Poesia.
- Euri kontuak (Susa, 1999). Narrazioa.
- XX: mendeko poesia kaierak (Susa, 2000). Poesia.
- Loiolarik ez balitz (2005, Uztarria; Iñigo Aranbarrirekin). Saiakera.
- Erlojuen mekanika (2007, Susa). Poesia.
Eskolako gai gehiago
Joseba Sarrionandiaren saiakera eta narratiba, Piarres Larzabalen teatroa, Jose Saramagoren nobela edota eta Allande Oihenart ere aztertuko dituzte Literatura Eskolan.
Larunbat honetan hasiko da 6. Literatura Eskola, eta hilero bigarren larunbatez lau orduko saioak egingo dituzte Iñigo Aranbarrik (Larrabetzun), Ixabel Etxeberriak (Baionan), Harkaitz Canok (Donostian), Patxi Zubizarretak (Gasteizen), Imanol eta Jon Ubeda anaiek (Bilbon), Xabier Mendigurenek (Durangon), Itxaro Bordak (Oreretan) eta Jon Alonsok (Iruñean).