Azpeitiko Udalak Behobia-Donostia lasterketara joateko autobusa antolatu du azaroaren 8rako. Aurtengoan, ordea, irteerara joateko autobusa soilik jarriko du, eta ez bueltatzekoa.
Izena Azpeitiko igerilekuan eman behar da eta autobusa betetzen denean itxiko da izen-ematea. Autobus zerbitzua erabiltzeagatik zortzi euro ordaindu beharko dira.
Azaroak 8, igandea, autobusa Azkoitiko liburutegi aurretik abiatuko da, goizeko 08:00etan. Azpeitian, berriz, 08:15ean hartuko dute igerileku aurrean.