Azpeitiko Udalak eta Gipuzkoako Foru Aldundiak datorren azaroaren 4an sinatuko dute bien arteko harreman guztietan euskararen erabilera sustatzeko hitzarmena.
Hil honetako udalbatzarrean, urriaren 1ean, onartu zuen Udalak, ahobatez, hitzarmenaren edukia. Orain, sinadura ekitaldia iragarri du: Donostian egingo dute azaroaren 4koa, Foru Aldundiaren egoitzan, 11:30ean.
Azpeitiko Udalarekin sinatuko duena da Gipuzkoako Foru Aldundiak lurraldeko udalekin euskararen erabilera sustatzeko egingo duen lehendabiziko hitzarmena. Foru Aldundiaren baitan egin beharreko egokitzeak egin ondoren, Gipuzkoako gainontzeko udalerriekin ere euskararen erabilera sustatzeko horrelako hitzarmenak egitea da Gipuzkoako Foru Aldundiaren asmoa.