Valle de la Serenako Udalak eta Badajozko Aldundiak argitaratu duten Entre papel y pluma liburuak Azpeitiari eta Loiolari buruz hitz egiten du; Emilia Morillok idatzi du olerki liburua. Duela 53 urte Valle de la Serenatik (Badajoz, Espainia) Azpeitira etorri zen Emilia Morillo eta ia 20 urtez hemen bizi izan zen. Ezkondu eta Bizkaira, Galdakaora, joan zen bizitzera, eta egun bertan bizi da. Poesia eta literatura beti izan ditu gustuko eta Badajozko Aldundiak eta Valle de la Serenako Udalak lagunduta argitaratu du berak idatzitako olerki bilduma.
Liburuan hainbat gai lantzen ditu Morillok: amodioa, heriotza, lana Horiez gain, Azpeitia eta Loiolari eskaini dizkio bi olerki Azpeitia eta Loyola, bere bizitzan "garrantzitsua" izan zelako Azpeitian egon izana.
Emilia Morillo ez da idazten ari den familiakide bakarra, Fernando Morillo idazle azpeitiarra iloba baitu.