Azpeitiko Udalak 2009 Urteko Kirolari sariak banatu zituen larunbatean. Urtean zehar egindako kirol ibilbidea eta kirol taldeek egindako lanak saritu zituzten.
Azpeitiko udaletxean banatu zituzten sariak. Unai Iparragirre Txipa-k jaso zuen kirolari onenaren saria, urtean zehar egin dituen lorpenak direla eta. Bidelan-Kirolgi taldeko txirrindulariak Copa Iberica txapelketako bost lasterketetatik bat eta San Lorenzo Trofeoa irabazi ditu aurten, besteak beste.
Iparragirrez gain, saria jaso zutenak honakoak izan ziren: Ion Iriarte (Lagun Onak txirrindulari elkartea); Ion Altuna (Areto futbola); Xabier Gurrutxaga (Lagun Artea eskuderia); Julen Uranga (Karate); Andoni Sudupe (Xeye Atletismo taldea); 3.maila (Lagun Onak); Markel Etxaniz (Ilunpe); Ion Fernandez (Judo club Kimura); Kadeteen taldea (Ikasberri K.E); Joseba Altuna (Lagun Onak M.B.); Eneko Artola (Iraurgi) y Unai Otaegi (Remontea).