Helduak gauean lehertuko den festari begira dauden bitartean, Azpeitiko umeak izan dira aurtengo San Sebastian bezperaz gozatzen hasi diren aurrenak.
Azpeitiko Ikastola Karmelo Etxegarain, Iraurgi Ikastetxean eta Ikasberri Azpeitiko Ikastolan egin dituzte sansebastianetako aurreneko danborradak. Haur Hezkuntzako eta Lehen Hezkuntzako maila guztietako ikasleek hartu dute parte, bakoitzak bere ikastetxean, eta ikuslerik ez dute falta izan: guraso, aiton-amona, izeba-osaba eta gainerakoek ederki asko bete dituzte eskoletako jolaslekuak.
Gaur arratsaldean ikastetxeetan egin dituzten danborraden argazki bildumak egin ditu Uztarriak: Ikasberrikoa, Iraurgikoa eta Karmelo Etxegaraikoa.