Loiolako hiribidea autoentzako itxita egongo da asteburuan. Hau da, bihar (ostirala) 22:00etan itxiko dute errepidea eta astelehen goizera arte ez dute zabalduko.
Loiolako hiribidean, Olazko bidegurutzean, biribilgune bat eraikitzeko lanean ari dira. Orain arte hiribideko alde bat itxita egon da oinezkoentzako, eta asteburu honetan autoentzako itxiko dute. Autoek Barrenetxe auzoaren atzeko bidetik ibili beharko dute Loiolabideko errepidea itxita dagoen bitartean; Olazko eta Azkuneko biztanleei-eta pasatzen utziko dietela azaldu du Udalak.