Azpeitiko Izarraitz Igeri Elkarteko Ainhoa Goenaga igerilariak 200 metro librean Euskal Herri mailako urrezko domina lortu du. Joan den asteburuan jokatu zuten Infantil mailako igerilarien Euskal Herriko Txapelketa, Galdakaon (Bizkaia). Goenagak beste bi domina ere lortu zituen txapelketa horretan, biak brontzezkoak: bata, 100 metro bizkarrez, eta bestea, 200 metro estiloetan.
Denborak ondu dituzte
Izarraitz Igeri Elkarteko Jon Odriozolak eta Ainitze Odriozolak ere hartu zuten parte Euskal Herriko Txapelketan eta euren denborak hobetzea lortu zuten.