Datorren larunbatean, martxoaren 27an, jokatuko den XVII. Azkoitia-Azpeitia Maratoi Erdiaren antolatzaileek haurtzaindegi eta ludoteka zerbitzua eskainiko dute lasterketan parte hartuko duten korrikalarien eta laguntzaileen seme-alabentzat.
Hiru eta zortzi urte bitarteko haurrentzako zerbitzua 15:00etatik 19:30era egongo da zabalik, igerileku ondoan dagoen Txiki-Txoko ludotekan.
Zerbitzua erabili nahi dutenek aldez aurretik erreserbatu beharko dute tokia 943 150095/943 157928 telefonoetan eta kirolak@azpeitia.net eta parekidetasuna@azpeitia.net helbidetan.