Durangon (Bizkaian) izango da GaztEHerria apirilaren 2an. Independentziarekin bat egiten duten zenbait talde eta norbanakok antolatu duten egun guztiko jaia izango da. Azpeitiko hainbat gaztek joan den larunbatean egin zuten GazteHErriaren aurkezpen festa Gaztetxean eta, orain, Durangora joateko autobusa antolatu dute.
Ostiralean 11:00etan aterako da autobusa Etxe-Zuri aurretik eta goizeko 04:00tan itzuliko da, Landakoko gunea eta tabernak ordurako itxi egingo dituztelako. Izen-emateko orria Orkatz tabernan egongo da bihartik aurrera. Sarrerak ere martxoak 29 arte bertan erosi daitezke 20 euroren truke. Baina Durangon ere erosi ahal izango dira 25 eurotan.
GaztEHerriako egitaraua
Herri gunea
Kale animazioa goizean goizetik
12:00 Harrera
12:30 Hitzaldia: "Gazteok eta independentzia"
12:30 Tailerrak
23:00 Txirritxorra eta DJ Okerreko
Egun guztian zehar barra eta bokatak egongo dira
Eskola
14:30 Bazkaria 1500 lagunentzat (txartelak bertan salgai)
16:00 kalejira Landakora
Landako gunea
12:30 Hitzaldia Kafe Antzokian nazioarteko delegaritzarekin
17:00 GAZTEHERRIA
18:00 Kontzertuak Landakon
- Asian Dub Foundation
- Ojos De Brujo
- Soziedad Alkoholika
- Esne Beltza
- Berri Txarrak
03:30 Kontzertuak Kafe Antzokian
- Gose
- + Sorpresa