Azpeitiko taldeak Emakumezkoen herriarteko Trindoor txapelketako finala jokatuko du apirilaren 17an (larunbata). EITBk Donostian Miramonen duen egoitzan jokatuko dute finala, Azkoitiko taldearen aurka. Horiez gain, Tolosa eta Markina-Xemein ere lehiatuko dira.
Azpeitiko taldea Oihana Agirre arraunlariak, Mireia Epelde txirrindulariak eta Nerea Etxeberria lasterkariak osatzen dute. Urtarrilean jokatu zuten kanporaketan , marka hautsi zuten Azpeitiko kirolariek.
Trindoor txapelketa Euskadi Irratiko Hiru Errege Mahaia programak antolatzen du. Bertan parte hartzen duten hiruko taldeek triatloi moduko proba bat egin behar izaten dute.