Eskaladako proiektu bat laguntzeko bideratuko da Goi-mendizaletasun bultzatzen duen aurtengo Joxe Takolo beka. Epai-mahaiak hartu du dagoeneko bere erabakia eta aurtengo beka Patagonia-Fitz Roy espedizioa (Flush bidetik eskalatzen) proiektuarentzako erabiliko da. Espedizioa Mikel Ajuria oiartzuarrak, Bilabonako Gorka Barandiaran eta Arkaitz Yurrita ormaiztegiarrak osatuko dute eta taldeak 4.200 euro eskuratuko ditu beka honi esker.
Bekaren eskaintza ekitaldia maiatzaren 8an egingo da 12:00etan udaletxeko pleno aretoan.
Azpeitiarrik ez
Antolatzaileek jakinarazi dutenez, aurten ez da aurkeztu azpeitiarrik beka deialdira. Aurreko urteetan sarituak izan dira hainbat azpeitiar, horien artean, Pumorirako espedizioa, Gorka Karapeto edota Leire Agirre, besteak beste.
Aurreko urteetako Joxe Takolo Beka-ren irabazleak
- Pumori (2001).
- Nanga Parbat (2002).
- Elurretako Leopardoa (2003).
- Trangoko dorreak eta Ametsak mugimenduan noraino? 8c-aren kateraino (2004).
- Euskal espedizioa Baintha Brakk 2005 (2005).
- 2006an beka hutsik geratu zen.
- Mendi Bira 2007: escaladas de alta dificultad alrededor del mundo (2007).
- Joxe Takolo bidea Marokon (2008).
- Lau proiektu desberdin (2009).
Joxe Takolo gogoan
Uztarriak 2001eko ekainean aurkeztu zuen Joxe Takolori buruz idatzitako liburua. Enekoitz Esnaola kazetari azpeitiarrak idatzi zuen liburua eta Azpeitiko mendizalearen biografia jasotzen du. Aurten 10 urte hil zen Joxe Takolo.