Euskal Herrian Euskaraz bizi! Euskal Herri euskalduna eraiki!
lelopean ospatuko dute Euskaraz Bizi Eguna datorren igandean, maiatzaren 2an. Etxarrin izango den euskararen aldeko festara joateko deia egin die Azpeitiko EHEk herritarrei.
Etxarri-Aranatzera joateko autobusa antolatu dute eta bertara joateko izena Orkatz tabernan eman beharko da. Igandean, Etxe Zuri aurretik irtengo du autobusak, 10:00etan. Itzulera, berriz, 20:00etan izango da.