Datorren igandean, maiatzaren 9an, Herri Urrats Iparraldeko ikastolen aldeko jai nagusia ospatuko da, Senperen. Euskara mihian, irria begian lelo hartuta, euskararen aldeko festa egingo dute.
Urtero bezala, Senpereko aintziran izango den egun pasan autobusa antolatu du Ikasberri Azpeitiko Ikastolak. 09:00etan irtengo da anbulatorio aurretik eta 18:00etan itzuliko da Azpeitira. Autobusaren kostua 8 eurokoa da. Izena emateko edo informazio gehiago behar izanez gero, 943 15 12 46 telefono zenbakira deitu behar da.