Lan Mobel Iraurgi eta Malagako Alhaurin de la Torre larunbat arratsaldean ziren jokatzekoak EBA ligako Igoera Faseko itzuliko partida, Azpeitian.
Alhaurin de la Torre taldeak, ordea, ezin izan zuen Azpeitira etortzeko hegazkina hartu. Islandiako Eyjafjallajokull sumendiak eragindako errauts lainoa zela eta, Loiuko aireportua itxita zegoen.
Arazoak tarteko, igandean 12:00etan jokatuko zutela erabaki zuten. Baina, atzo ere ezin izan zuten etorri eta, beraz, erabakitzeko dago partidaren eguna. Iraurgikoek ez dakite noiz jokatuko duten neurketa, baina aste honetan izango delakoan daude.
Joaneko partidan, Malagan, berdinketa lortu zuen Iraurgik. Itzuliko partida ikusteko dago, baina Igoera Faseko lehian jarraitzeko irabazi egin beharko du partida Iraurgik.