Azpeitiko Aratz-erreka auzoan gogor hasiko dituzte festak bihar, suziri eta guzti. Bihar arratsaldean hasi eta larunbat goizaldera arte zer jana eta gozatua izango dute auzoan.
Baina, urtero bezalaxe, igandean jai egingo dute, auzoko festak antolatzen aritzen den taldeak "jai, jai" hartuko du, eta festetako egitarauan ere halaxe jarri dute.
Aurten, festetako berrikuntzen artean Mus Txapelketa auzoko pilotalekuan jokatuko dutela da. Eta, nola ez, arrautza egosi lehiaketa ere egingo dute.