Mireia Epelde txirrindulari azpeitiarrak Espainiako selekziora joateko deia jaso du aste honetan. Baiezkoa eman, eta hil honen bukaeran kontzentrazioekin hasiko da.
Mundialera joateko aukerak izango ditu, beraz, azpeitiarrak; Espainiako selekziotik deitutakoen zerrendan dauden guztiek bezalaxe. Maiatzaren 24an Segovian (Espainia) bilduko dira aukeratu dituzten txirrindulariak kontzentrazioa egiteko, eta "oso gustura" dagoela jakinarazi dio Epeldek Uztarria.com-i: "Nirekin kontatzen dutela esan nahi du deitzeak, eta aukeratutakoen zerrendan egoteak poza eman dit".
Mireia Epeldek, hamar urte Bizkaia-Durango taldean igaro ostean, urtebeterako kontratua sinatu zuen iazko urrian Lointek taldearekin.