Espainiako Zilarrezko LEB Mailara igotzeko beste pauso bat eman du gaur Lan Mobel Iraurgik, Ferrol gaindituta, eta orain kanporaketa bat baino ez zaio falta mailaz igotzeko.
Final-zortzirenetako joanekoan 72-67 galdu zuen Ferrolen (Galizia), baina gaur 11 puntugatik irabazi du Azpeitian: 53-42 (atsedenean 29-30 zihoazen). Aurreko kanporaketan Alhaurin de la Torre (Malaga, Espainia) kaleratu zuen.
Gandia (Herrialde Katalanak) izango du kontrario azkeneko kanporaketan, eta datorren larunbatean jokatuko dute joaneko partida, Azpeitian (18:30).
Valentziako erkidegoan dago Gandia herria, eta 80.000 biztanle inguru dauzka. Aipatutako saskibaloi kluba 1993an sortu zuten.