Gaurtik igandera bitartean, auzoko jaien baitan, hainbat ekitaldi antolatu du Sanjuandegiko Festa Batzordeak. Gaur, 22:00etan, Idiazabalgo txiste kontalariak ariko dira giroa berotzen, Sanjuandegiko Niza tabernan.
Biharko, Euskal Rocka Berrikusten kontzertua antolatu dute, 21:30etik aurrera, Rochas tabernaren atarian.
Ostegunean, berriz, Mus Txapelketa jokatuko dute, 21:00etatik aurrera, Ongi Etorri tabernan. Egun horretan bertan, Sanjuandegiko barraka eguna izango da eta barraketan gutxiago ordainduta ibiltzeko aukera izango da.
Asteburu guztian zehar hainbat ekimen izango dira festen baitan.