Azpeitiko udal udaleku irekietan parte hartzeko izena emateko azken egunak dira hauek eta antolatzaileek azaldu dutenez epez kanpo ezingo da izenik eman.
Gaur bukatuko da izena emateko epea honako udalekuetan: Udan Txiki (2006an jaiotakoak), Udan Koxkor (2005-2004), Udan Jolas (2003-2002), Udan Mugi (2001-2000) eta Udan Alai (1999-1998).
Ostiralean, berriz, honakoentzako izena emateko epea itxiko dute: 1997an, 1996an, 1995ean, 1994an urteetan jaiotako haurrentzat. Izena, Gazte Informazio Bulegoan eman daiteke, 943 15 71 60 telefonoan.