Eliz kaleko Korputz jaiak gaur, osteguna, 18:00etan hasiko dira, suziriekin eta Juan Antxieta Musika Eskolako ikasleen kalejirarekin. Ondoren, 19:30ean, kaleko hildakoen aldeko meza izango da, parrokian.
Bihar, ostirala, eta larunbatean ere festak izango dira Elizkalean. Bihar, 18:00etan, Juan Antxieta Musika Eskolako trikitilarien emanaldia izango da eta, ondoren, buruhandiak ibiliko dira kalean. 19:30ean, berriz, Kitarra taldekoekin poteoa egingo dute eta 22:30ean, Laja eta Egurenekin erromeria egongo da.
Larunbatean, eguerdian hasiko da jaia Iban eta Lierni trikitilariekin. 13:00etan, Itsasi dantza taldekoen emanaldia izango da. Arratsaldean, 19:30ean, triki-poteoa egingo dute eta gero kaletarren afaria Baigeran. Afalondoan, Eguren eta haren lagunekin erromeria antolatu dute.