Kanpoko igerilekua larunbat honetan, ekainaren 12an, irekiko dute. Aurten irailaren 12ra arte egongo da zabalik.
Igerilekuaren ordutegia astegunetan eta jaiegunetan berdina izango da. Egunero egungo da zabalik; 11:00etan irekiko dute, eta 20:00ak arte zabalik izango da.
Estaligabeko igerilekuko iazko datuak:
- Kanpoko igerilekua 93 egunez egon da zabalik.
- Guztira 41.755 bisita izan ditu. Batez beste, eguneko 449 lagun.
- Ekainetik irailera bitartean, uztaila izan da jende gehien bildu duena: 15.842 lagun. Ondoren, abuztua (11.580), gero ekaina (10.469) eta azkenik, iraila (3.864).
- Jende gehien izan den eguna, uztailak 16a izan da: 1.272 lagun.
- Zabaldutako 93 egunetik, 43 izan dira eguzkitsuak.