Realak gaur arratsaldean jakinarazi du Mikel Aranburu erdilariak (Azpeitia, 1979) beste urtebete luzatu duela kontratua. 2011ko ekainaren 30ean amaituko zitzaion jokalariari hitzarmena. Beraz, orain 2012ko ekainaren 30ean bukatuko zaio.
Aranburuk 1997ko ekainaren 22an egin zuen debuta Espainiako Lehen Mailan Realarekin, Logroñesen kontra. 1999-2000 denboraldian igo zuten lehen taldera. Klubeko datuen arabera, 361 partidatan aritu da eta 24 gol sartu ditu.
Mikel Labaka Realeko beste jokalari azpeitiarrak ere 2012ko ekainera arteko kontratua du.