San Juan bezpera izango da bihar, asteazkena, eta usadio zaharrari jarraituz, Azpeitiko plazan sua piztuko dute (21:45) udaberriari agur esan eta udari ateak irekitzeko.
Urteko gaurik laburrena izango da biharkoa, eta ekitaldi berezia egingo dute talde desberdinek: Musika Eskolak, Emakumeen Antzerki Tailerrak, Julian Barrenetxea Abesbatzak, Dantza Suelto Eskolak, Txistulari Taldeak eta Udal Musika Bandak. Natura osatzen duten lau elementu nagusietan oinarritutako ekimena izango da biharkoa: ura, sua, lurra eta haizea.
Herritarrak ekimenean parte hartzera "animatu" nahi ditu antolakuntzaz arduratu den taldeak.