Azpeitiko Helduen Eskolan (EPA) matrikulazio edo izena emateko epea zabaldu dute. Matrikula hilaren 15a bitartean egin daiteke, 09:30etik 13:30era, Jose Artetxe 2 eraikinean bertan (Perretxikoan) edo 943 81 22 03 zenbakira deituta.
Azpeitiko Helduen Eskola perretxikoa bezala ezagutzen den eraikinean dago eta honako ikastaroak eskaintzen ditu: Bigarren Hezkuntzako titulua, Etorkinentzako Hizkuntza Programa eta Unibertsitate edo Goi Zikloetarako sarbide frogaren prestaketa.