Gaur arratsaldeko seietatik eta igande eguerdira bitartean, Betharrametan Ruandari buruzko argazki erakusketa zabalduko du Behar Bidasoa gobernuz kanpoko erakundeak.
Erakusketak Hirugarren Munduari begira izenburua du. Bertan, Behar Bidasoak jasotako diru laguntzekin Ruandan egin dituen hainbat azpiegituren berri emango du, argazkien bidez. Gaur 18:00etatik 20:00etara egongo da irekita eta, bihar eta etzi, 12:00etatik 14:00etara bitartean.