Denboraldiaurreko partida jokatuko du gaur, asteazkena, Lan Mobel ISB taldeak. EBA Ligako CD Estela kantabriar taldearen aurka neurtuko dituzte indarrak Azpeitiko kiroldegian, 19:45ean hasita.
Gaurko partidan jokatuko du lehenengo aldiz Anthony Paez Lan Mobel ISBk fitxatu berri duen jokalariak. Austriako Ligako Oberwart Gunners taldean jokatu duen hegaleko jokalaria da Paez. Aurretik, ordea, 2007-2008ko eta 2008-2009ko denboraldiak Britainia Handiko BBL-ko Worcester Wolves saskibaloi taldean egin zituen.
Denboraldia geroz eta gertuago
Hainbat aste daramatza Lan Mobel ISBk denboraldia prestatzen. Urriaren 3an hasiko jokatuko dute Zilarrezko LEB Mailako aurreneko partida, Errioxan, Clavijo taldearen aurka.