Azpeitiko Udalak Peruko Azpitia herriarekin senidetzeko asmoa agertu du. Hori dela-eta, irailaren 23an, ostegunean, Azpitia herriko bi ordezkari etorriko dira asteburu pasa Azpeitira. Ostiralean, hilak 24, harrera ofiziala egiteaz gain senidetze-akta sinatuko dute bi herrietako arduradunek. Asteburua Azpeitian pasatuko dute eta herria zein inguruak ezagutuko dituzte.
Imanol Elias Odriozola historiagileak Azpitia eta Azpeitiaren inguruko azterketa bat egin du eta bi herrien arteko lotura nolakoa den aztertu du. Ana Mendizabal Azpeitiko Udaleko Euskara zinegotziaren esanetan, "Imanolek lan pila egin du, eta lan hori eskertze diogu".