Orkatz Kultur Elkarteak III. Klik Argazki Lehiaketa antolatu zuen udarako. Uztailean hasi eta irailaren bukaera bitartean argazkiak bidaltzeko aukera izan dute herritarrek. Argazkien gaia, oporrak eta presoak
izan da. Guztira, 58 argazki jaso dituzte eta dagoeneko ikusgai daude Orkatzen bertan. Munduko hainbat txokotan ateratako argazkiak daude: Colombia, Senegal, Montenegro, Tailandia, Grezia, Frantzia, Herrialde Katalanak, Espainia...
Datozen bi asteetan nahi den argazkiari botoa emateko aukera izango da, eta argazki horren zenbakia barran dagoen kutxan sartu beharko da. Boto gehien jasotzen duen argazkiaren egileak bi lagunentzako afaria irabaziko du.