Martin Deunaren festak aurrerapenarekin ospatuko dituzte aurten Lasaon. Datorren ostegunean, azaroak 11, izango da zaindariaren eguna, baina lasaotarrek aurreko asteburura aurreratu dituzte 2010eko festak.
Txupinazoa gaur botako dute, 20:00etan. Ondoren, eta sanmartinetako aurreneko gaua girotzeko, bertsolariak eta trikitilariak izango dituzte.
Larunbata, berriz, bereziki umeei eskainiko zaie Lasaon. Horrela, 15:00etan hasi eta 19:00ak bitartean, jolasak, puzgarriak eta txokolate jana izango dituzte umeek.
Igandean berriz, eta azkeneko urteetan egin izan dutenari jarraituz, jaien barruko azoka berezia egingo dute Lasaon. 11:00etatik aurrera izango da azoka bisitatzeko aukera. Aurtengo festetako azken eguna izango den horretan, txistularien kalejirarekin girotuko dute goiza.