San Tomas Egunean postua jarri nahi dutenentzako izena emateko epea zabaldu du Udaleko Festa Batzordeak. Festa egun horretan, abenduaren 21ean, postua jarri nahi dutenek azaroaren 18tik, ostegunetik, hilaren 26ra bitartean izena eman beharko dute udaletxean. Izena emateko edota informazioa jasotzeko Udal Kultur bulegora deitu daiteke: 943 15 70 68.
Postuen kokapenaren zozketa azaroaren 29an, astelehenean, egingo dute Udal Areto Nagusian. 20:00etan hasiko da zozketa.
Etxeko produktuen postuak
San Tomas Egunean etxeko produktuak, hau da, barazkiak, fruituak, loreak, ogia... saltzeko postua jarri nahi dutenentzako ere izena emateko epea zabaldu du Udaleko Festa batzordeak. Izena, hilaren 26a baino lehen eman behar da udaletxean, edota 943 15 70 68 telefonora deituta.