Pello Gonzalez, Gipuzkoako Foru Aldundiko Ogasun eta Finantza diputatuak (Hamaikabat) hitzaldia emango du bihar, osteguna, 18:30ean, Sindikatu Zaharrean.
Egungo egoera ekonomikoa eta aurreikuspenak. Fiskalitatea orain izenburupean emango du Gonzalezek hitzaldia eta jardunaldia irekia izango da. Urola bailarako Hamaikabatek egoera ekonomikoa eta Gipuzkoako fiskalitatea enpresa eta herritarrei gerturatzeko asmoz antolatu du jardunaldia. Hamaikabatek adierazi duenez, "herritarrak gonbidatu nahi ditugu topaketan parte hartzera eta beraien iritzi eta zalantzak mahai gainean jartzera".