Batzuk parrandan ari ziren bitartean, beste batzuk lasterka ari ziren joan den larunbat iluntzean Zizurkilen jokatu zen XIV. Gau Krosean. Hainbat azpeitiarrek parte hartu zuten 7 kilometro eta erdiko gaueko lasterketa honetan -13k hain zuzen-, eta bik podiuma egitea lortu zuten gainera.
Nerea Etxeberria azpeitiarra bigarrena izan zen emakumezkoetan 0:26:30 denbora eginda, eta Xabat Manzisidor ere bigarren sailkatu zen gizonezkoetan. Lasterketa irabazi zuen Walid Wahlit-engandik hemeretzi segundora iritsi zen Manzisidor helmugara eta 0:22:29 izan zen bere denbora. Lasterketako sailkapena kontsultatzeko klikatu hemen.
Manzisidorrek larunbat arratsaldean jokatu zen Euskadi Irratiak antolatutako herriarteko Trindoor lehiaketan ere parte hartu zuen, eta finalera sailkatu zen Azpeitiko taldea.