Berogailu eta eguzki-energia sistemak egiten dituen Domusa enpresak Zilarrezko Q saria jaso zuen joan den ostegunean, hilak 16, Euskalitek Barakaldoko BEC-en (Bilbao Exhibition Center) egindako sari banaketan. Enpresako kudeaketa ona dela-eta jaso du saria.
Zilarrezko eta Urrezko Q sariak Europako EFQM ereduari ematen zaizkion sariak dira, eta Euskalitek ematen ditu.
Domusak pasatu den ostegunean jasotako sariaz gain beste bi ere baditu: Ingurugiro Kudeaketaren Ziurtagiria ISO 14001 eta Lan Segurtasunaren eta Osasunaren Ziurtagiria OHSAS 18001.