Urteko azken egunerako, hilak 31, Otzaurtetik Arantzazura ibilaldia antolatu du Lagun Onak M.B.-k. Helduentzako ibilaldia izango da eta 07:00etan abiatuko dira Azpeititik Otzaurtera autobusez. Handik Aizkorrira igoko dira, gero, Arantzazura jaisteko.
Izena abenduaren 29a, asteazkena, baino lehen eman behar da Mendizaleen Elkartean edo www.lagunonakmb.org webgunean. Bazkideek 4 euro ordaindu beharko dute eta gainontzekoek 6 euro. Ikasle eta langabetuek, berriz, 3 euro.
Urteari hasiera Erlon
Urte Berri Egunean, hau da, urtarrilaren 1ean, Erlora egingo dute ibilaldia Lagun Onak M.B.koek. 09:00etan abiatuko dira plazatik Erlora eta, 11:00ak inguruan, euskal presoen eskubideen aldeko argazkia aterako dute.