San Sebastian bezpera gerturatzen ari dela-eta, urteroko moduan, helduen danborradako entseguak hasiko dituzte Gabonetako oporrak bukatu bezain laster. Urtarrilaren 12an, asteartean, izango da lehenengoa. Hilaren 13an, osteguna, eta 18an, asteartea, ere entseguak egingo dituzte, 21:00etan hasita Izarraitz pilotalekuan.
Umeenak, berriz, urtarrilaren 13an, 17an eta 18an izango dira, Izarraitz pilotalekuan 16:00etatik 17:00etara bitartean.
Hainbat aldaketa
Danborradako taldeetako ordezkarien batzordeak erabakita, hainbat aldaketa izango ditu 2011ko helduen danborradak. Aurten ordubete beranduago hasiko da, hau da, 23:15ean. Gainera, lehenengo plazan elkartuko dira talde guztiak eta bandera igo ondoren, urteroko kale buelta egingo dute.