Adinduen eta Gizarte Zerbitzuen Institutuak (IMSERSO) 2011n bainuetxeetara antolatu dituen egonaldietara joan nahi dutenentzat deialdia luzatu du.
Otsaila eta abuztua bitartean bainuetxeren batera joan nahi dutenek, urtarrilaren 17a baino lehen eman beharko dute izena, Udaleko Gizarte Zerbitzuetan. Izena ematen duten erretiratuek Espainiako eta Euskal Herriko bainuetxe desberdinen artean aukeratu beharko dute.
Hamabi eguneko egonaldiak izango dira eta 254 eta 447 euro bitartean ordaindu beharko dute joan nahi dutenek. Lo egiteko lekua, jatorduak, tratamendu termalak, aisialdiko ekintzak eta bidaia-asegurua prezioaren barnean sartzen dira.