Azpeitiko Kultur Mahaiak Ruper Ordorikaren kontzertua antolatu du larunbat honetarako, hilak 8rako. Sanagustin Kulturgunean izango da saioa, 22:30ean.
Sarrerak gaur arratsaldean jarriko dituzte salgai. Arratsaldez Sanagustinen bertan erosi ahal izango dira, 18:00etatik 20:00etara, Azpeitiari buruzko Argazki Zaharren II. erakusketa egongo baita bertan aste guztian.
Goizetan, berriz, bihartik aurrera Kultur Mahaiaren egoitzan (Perez Arregi 1, behea) erosi ahal izango dira, 09:30ak eta 13:00ak bitartean.
Gazte txartela edo erratiratuena dutenei 6 euro kostako zaie sarrera, eta 10 euro gainontzekoei. Gainera, aurrez, 200 sarrera salduko dira, eta beste 100 egunean bertan saltzeko gordeko dituzte. Sanagustinen, legez, 300 pertsona sartzen dira.