Meltxor, Gaspar eta Baltasar Errege Magoen laguntzaileak gaur, urtarrilak 4, haur eta gaztetxoen gutunak jasoko dituzte, 17:30etik aurrera, Sanagustinen. Baigera Erretiratuen Elkarteak antolatu du ekimena.
Bihar, Errege egun bezpera, Errege Magoen kabalgata egingo dute Azpeitiko kaleetan. Gaspar, Meltxor eta Baltasar 17:30ean trenean iritsiko dira Azpeitiko trenaren museora. Gero, 19:00etan abiatuta, igerilekutik kalejira egingo dute. 20:00etan, Erregeak udaletxeko balkoira igoko dira.