25.urteurrena ospatzen ari da Izarraitz Igeri Elkartea

Urola Kostako Hitza 2011ko urt. 8a, 13:01

Taldeko argazkia atera dute igerilariek txapelketa hasi aurretik (Onintza Lete Arrieta)

11:00etan hasi dute elkarte mailako txapelketa, umore onean

.60 lagun inguru ari da parte hartzen bertan, eta gero Jai-Alai jatetxean bazkaria egingo dute, Urrestillan

10:30erako igerilekuko uretan nahiz kanpoan beroketa lanak egiten ari ziren gaur goizean Izarraitz Igeri Elkarteko egungo kideak nahiz lehen ibilitakoak. Elkarteak 25 urte bete ditu, eta barne mailako txapelketa jokatuz hasi dute ospakizuna. 11:00etan ekin diote lehiari umore onean hainbat adinetako kirolariek,eta guztira 60 lagun inguruk hartu dute parte. Bertan izan da, besteak beste, elkartearen sortzailea, Tomas Juaristi. "Egun polita eta berezia" dela esan du elkarteko lehen entrenatzailea izandakoak, prestaketen eta urduritasunaren artean.

.13:00ak alderako amaitzeko asmoa dute, eta handik Urrestillako Jai-Alai jatetxera joango dira ospakizunarekin jarraitzera, bazkari ederra eginez. Bazkari berezia izango dela esan dute antolatzaileak, baina ez dute gehiago aurreratu.

Azpeitia Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.


Izan Gukakide