Joan den zapatuan, hilak 8, Gipuzkoako Automobilen Federazioak 2010 denboraldiko sari banaketa egin zuen Donostian.
Lau azpeitiar saritu zituzten ekitaldian: Joxe Labaka eta Aitor Otaegi eta Urtzi Oteiza eta Gorka Otaegi.
Joxe Labaka eta Aitor Otaegik Gipuzkoako Rally eta Rallysprint txapelketan 3. postua eskuratu zuten. 5. motako autoen artean, berriz, lehenengo saria jaso zuen bikote azpeitiarrak. Urtzi Oteiza eta Gorka Otaegik 3. motako autoetan lehenengo saria jaso zuten, eta Gipuzkoako Rally eta Rallysprint txapelketako sailkapenean zazpigarren postua lortu zuten.
Slalomean, Gurutz Agirretxe errezildarrak Junior mailako lehenengo saria jaso zuen eta 3. motako autoetan lehenengo postua lortu zuen.