Gaur goizeko 09:30ak inguruan sutea piztu da Landeta auzoko altzari lantegi batean. Berehala bertaratu dira suhiltzaileen lau kamioi eta sua itzaltzeari ekin diote. Lantegiaren alboko lokal batean barnizak eta erregaiak zeudenez, berehala atera dituzte haiek ere eta 10:00ak alderako kontrolatua zuten sua. Kalte pertsonalik eragin ez duen arren, kalte materialak handiak izan dira, barruan zegoen guztia kixkali baita.
Mobaux SL altzari enpresa zegoen lehen lantegi horretan, baina, duela urte batzuetatik geldirik zegoen. Gaur makinak mugitzen ari zirela sortu da sutea.
Atzo beste sute bat
Atzo, igandea, beste sute bat piztu zen Landeta auzoko Eman barnizak egiten dituzten enpresan. Enpresako arduradunen arabera, "enpresaren %20a suntsitu du suak".
Pare bat ordu behar izan zituzten suhiltzaileek sua kontrolatzeko eta raindik ez dakite zerk eragin zuen sutea.