Sarriegiren eta Franzesenaren doinuek bazkalondotik hasita bete dute aurten ere Azpeitiko airea, San Sebastian bezpera honetan. Herriko ikastetxeetako ikasle gazteenek doinuz eta kolorez bete dituzte jolaslekuak, ikusle izan dituzten dozenaka lagunen gozamenerako. Lainopean, baina goizeko lanbrorik gabe, kanpoko jolaslekuetan egin ahal izan dute azkenean festa Azpeitiko Ikastola Karmelo Etxegarain, Ikasberri Azpeitiko Ikastolan eta Iraurgi Ikastetxean.
Argazki bildumak osatu ditu Uztarriak: Ikasberrikoa, Iraurgikoa eta Karmelo Etxegaraikoa