larunbat honetan amaituko da azken asteetan Iraurgi Ikastetxeko haur eskolan eskaini duten haur masaje ikastaroa. Ikastaroa oraindik lau hankatan ibiltzen ez direnen ume eta familiekin egin da. Ikastaro hau amaitutzat emango den arren datozen hilabetetan beste talde batzuk sortuz gero, berriro ere ikastaroa martxan jarriko dela adierazi dute ikastetxekoek eta interesa duenak parte hartzeko aukera izango du modu horretan. Hori dela eta parte hartu nahiko lukeenak 943-816380 telefono zenbakira deitzea eta Anagatik galdetzea besterik ez du.
Haur masajeak "onura asko" ditu eta horietako bat gurasoak eta haurraren arteko lotura sortzen eta aberasten edo garatzen laguntzen duela da. "Lotura hauek oso garrantzitsuak dira euren erlazio eta komunikaziorako", antolatzaileen iritziz.