Lagun Onak Mendi Bazkunak otsailaren 26rako, zapatua, Isastegi sagardotegira irteera antolatu du. Aurrez, mendi buelta egingo dute. 08:00etan, Azpeitiko plazatik abiatuko dira Elosiagara, eta handik Bidaniara joango dira. Intxurretik bueltan, Aldaba Txikira joango dira eta, gero, Isastegi sagardotegira. 5-6 orduko ibilaldia egingo dute.
Izena, otsailaren 24a baino lehen Mendizaleen tabernan, www.lagunonakmb.org webgunean edo lagunonak@euskalnet.net helbidean eman beharko da. Bazkideek lau euro ordaindu beharko dituzte eta bazkide ez direnek sei euro. Ikasle eta langabetuek, berriz, hiru euro. Sagardotegian bertan ordainduko dute bazkaria.