Larunbat honetan (hilaren 26an) izango da Azpeitiko sokamuturrari buruzko dokumentalaren estreinaldia, eta Zezen Beltz elkarte argitaratzaileak lanaren trailerra jarri berri du Interneten.
Sanagustin kulturgunean izango da dokumentalaren estreinaldia, 18:30ean hasita, ekitaldi irekian. Ordu eta laurdeneko iraupena du lanak.
Zezen Beltzek DVDa hamar eurotan jarriko du salgai, herriko taberna eta denda batzuetan, larunbat arratsaldetik aurrera.
Enekoitz Esnaola da dokumentalaren zuzendaria. Errealizadore lanak Lara Madinabeitiak egin ditu.
Berria-k otsailaren 20an ateratako erreportajea
Urola Kostako Hitza-k otsailaren 24an ateratako elkarrizketa
Zezen Beltz elkarteak larunbat (otsailak 26) arratsaldetik bertatik jarriko du salgai sokamuturrari buruzko dokumentala, 10 eurotan. Toki hauetan, hain zuzen: Azpeitian Juantxo Txiki, Pastorkua, Ametsa, Patxo, Eguzkitza, Lagun Onak M.B., Azpeitia, Orkatz, Etxe Zuri eta Jim Clark tabernetan, kiroldegikoan ere bai, Loiola hotelean eta Kili Kolor dendan. Azkoitian ere egongo da salgai: Zurt, Ttakun eta Elurra tabernetan. Igandean (otsailak 27) Sanagustinen ere egongo da erosteko aukera, musika bandaren kontzertuan.