Datorren zapatuan, hilak 26, Gernikako Akordioaren harira, ekitaldi nazionala egingo dute Donostiako Atano III. pilotalekuan, 17:30ean hasita.
Bertara joateko autobusa antolatu dute Azpeitian, eta izena Orkatzen eman behar da. Zapatuan anbulatorio aurretik aterako da autobusa, 16.30ean.
Azpeitian jaso du babesa
Gernikako akordioak Azpeitian ere jaso du babesa. Joan den azaro bukaeran egin zuten akordioaren aurkezpena eta, orduz geroztik, herritarrek batzarrak egin dituzte. Akordioarekin bat egiten duten talde desberdinek, berriz, argazkiak atera dituzte. Hala nola, emakumeek, ikasleek, langileek, kazetariek...