Hasi da mendi lasterketen denboraldia eta joan den igandean, martxoak 27, Lagun Onak Mendi Bazkunako bost kidek hartu zuten parte Sara Korrika Trail mendi lasterketan eta, guztira, 600etik gora izan ziren proban. Lagun Onak M.B.ko kideetan lehena, Iñaki Korta izan zen (9. postua), 2:05:16 denbora eginda. Joseba Altunak hamargarren egin zuen, 2:08:11 denborarekin. Xabier Kortak (17. postua) 2:11:20 behar izan zituen proba bukatzeko. Arkaitz Iraetak (36. postua), berriz, 2:17:59. Jon Bikendi hasi eta 2:23:13 helmugaratu zen, 59. postuan.
Bestalde, Urnieta-Adarramendi mendi lasterketa ere jokatu zen. Bertan izan zen Lagun Onak M.B.ko Borja Eizagirre. 1:23:13 behar izan zituen helmugara iristeko, eta 104. postuan bukatu zuen proba.
Informazio gehiago nahi izanez gero egin klik hemen
Zuzenien, uztailaren 3an
Lasterketa Bertikalen Kopako lehenengo proba ekainaren 19an izango da Txindokin. Bigarrena, berriz, Zuzenien Xoxoteko proba bertikala izango da eta uztailaren 3an jokatuko dute. Lasterketa Bertikalen Kopako hirugarren hitzordua Uharte Arakilen izango da irailaren 18an. Azkena, berriz, urriaren 1ean Anboton izango da.